kumos (a poem about tae)

09/19/09

ang kada kurinot sang iya agtang
patimaan sang mga tinuig nga iya ginsumalang
ngipon niya, gapula usang sang apog kag buyo
amg baho sang lana yara sa iya mga kuko

sa iya ko natun-an ang pagluog sang alima sa caltex
idespes ang paghuyop asta magmala ang kyuteks
ginbalandra nya yadtong panahon nga siya hobin
mga disparates kag bisan pagtuo sa sigbin

Masami kami magpalupad burador,
mag lawig karbaw kag magdalagan sa pagbundak sang ulan

sang bes nga gapanago na lang sya sa iya mosquitero,
sa dalagan sang panahon, ako nalumos sa tyempo
isa ka sabado, nasaksihan ko kung paano niya ginkumos ang iya tae

Ginpunggan ko ang hilibion
kag ang akon laway kag luha, nag-bara kasubong sang

kawat nga sirum.

-Tinay